राडीपाखी उद्योग स्थापनाले भेडापालक किसान खुसी !

Tuesday, June 21st, 2022 |

 

जुुम्ला ७ असार

 

जुम्लाको तिला गाउँपालिका–५ मा राडीपाखी उद्योग स्थापना भएपछि भेडापालक किसान धेरै खुसी भएका छन् । भेडाको ऊनलाई सदुपयोग गरी स्थानीयस्तरमा आम्दानी बढाउने उद्देश्यले आधुनिक प्रविधियुक्त राडीपाखी उद्योग स्थापना भएपछि किसान खुसी भएका हुन् । उक्त गाउँपालिकाको ढिम्कोट चुलाकोट, डुङ्ग्री गाउँका भेडापालक किसानको मुख्य आम्दानीको स्रोत भेडापालन भएको वडाध्यक्ष ललितबहादुर शाहीले बताए ।

यहाँका भेडापालक किसानको ऊनलाई बजारीकरण गर्नका लागि उद्योग स्थापना गरिएको जानकारी दिँदै उनले भने, ‘राडीपाखी उद्योगमा केही बेरोजगार युवाले रोजगारी पाउनेछन् । ऊन उत्पादन जिल्लाको एक गतिलो पहिचान बन्नेछ । यसको बजारीकरणका लागि वडाले आवश्यक सहयोग पुर्‍याउनुपर्नेछ ।’ स्रोत ः रासस

VIEWS: 22