चितवन १८ जेठ

चितवनमा आजबाट अन्तर्राष्ट्रिय पोल्ट्री एक्सपो शुरु भएको छ । नेपाल पोल्ट्री महासंघ र इण्डिया पोल्ट्री इक्युमेन्ट एशोसियसनको आयोजनामा यही जेठ १८ गते देखि २० गतेसम्म एक्सपो हुन लागेको हो । पोल्ट्री क्षेत्रको विकासका लागि एक्सपो आयोजना गर्न लागिएको महासंघले जानकारी दिएको छ ।

तीन दिनसम्म संचालन हुने एक्सपोमा दुई सयको हाराहारीमा स्टल रहने आयोजकले जनाएको छ भने पन्ध्र देशका दश हजारले एक्सपो अवलोकन गर्ने अनुमान गरिएको छ।

भरतपुरस्थित औधोगिक प्रर्दशनी केन्द्रमा हुने एक्सपोमा बिज्ञान प्रविधि तथा बिज्ञहरुको उपस्थिति रहनेछ । एक्सपोमा विदेशी प्रविधि र स्वदेशी प्रविधिका बिषयमा बिज्ञहरुलाई बोलाएर पाठशाला संचालन गरिने नेपाल पोल्ट्री व्यवसायी महासंघका अध्यक्ष गुणचन्द्र बिष्टले जानकारी दिनुभयो ।