२० भाद्र । दोलखा । दोलखा भिमेश्वर नगरपालिकाका तीन जना युवाहरुलाई लुटपाटमा संलग्न भएको अभियोगमा प्रहरीले पक्राउ गरेको छ ।

पक्राउ पर्नेमा भिमेश्वर नगरपालिका ३ का २० वर्षिय अरुण ठकुरी र अन्य दुई जना छन् । दुई जनाको नाम प्रहरीले सार्वजानिक गरेको छैन । गत साउन ८ गते भिमेश्वर नगरपालिका ३ स्थित एक होटलमा खाजा खान बसिरहेको अवस्थामा कालिञ्चोक गाउँपालिका ८ का राजेन्द्र पौडेलमाथि सामुहिक रुपमा आक्रमण गरेको अभियोगमा उनीहरु पक्राउ परेका हुन् । प्रहरीका अनुसार उनीहरुले छुरा प्रहार गरी पौडेलको साथमा रहेको ४ लाख २५ हजार रुपैयाँ नगद समेत लुटपाट गरेका थिए ।

घट्ना भएको डेढ महिनापछि पक्राउ परेका उनीहरुलाई थप अनुसन्धान प्रक्रिया अघि बढाईएको दोलखाका प्रहरी प्रमुख, प्रहरी नायव उपरिक्षक रामेश्वर कार्कीले जानकारी दिए ।