४, भदौ । दोलखा । दोलखा जिरी नगरपालिकाका एक व्यक्तिको हत्यामा संलग्न भई फरार रहेका एक पुरुषलाई प्रहरीले पक्राउ गरेको छ । जिरी नगरपालिका वडा नम्वर ३ का ३६ वर्षका राजकुमार जिरेललाई प्रहरीले १२ वर्षपछि पक्राउ गरेको हो ।

जिरेल जिरी नगरपालिका ३ कै धुम बहादुर योगीको सामुहिक कुटपिट पछि फरार भएका थिए । २०६२ साल असोज २६ गते सामुहिक कुटपिटबाट गम्भिर घाईते भएका योगीको राजधानी स्थित बीर अस्पतालमा उपचारको क्रममा मृत्यु भएको थियो । जिरेललाई जिल्ला अदालत दोलखाले १० वर्ष कैद सजायको फैसला गरिसकेको छ ।

जिल्ला प्रहरी कार्यालय दोलखाका प्रहरी प्रमुख, प्रहरी नायव उपरिक्षक रामेश्वर कार्कीले पक्राउ परेका जिरेललाई कैद भुक्तानका लागि कारागार चलान गरिसकिएको जानकारी दिए ।