२८ असार, काठमाडौं । नेकपा माओवादी केन्द्रका नेताहरुले अन्तरघात र अनुभवको कमीका कारण स्थानीय तहको निर्वाचनमा पार्टीले अपेक्षित परिणाम हाँसिल गर्न नसकेको वताएका छन् ।
अति आत्मविश्वास, गुटस्वार्थ, व्यक्तिवाद, पार्टीभित्रकै अन्तरघात र निर्वाचन अनुभवको कमी निर्वाचन पराजयको मुख्य कारण रहेको उनीहरुको ठम्याई छ । वढि आत्माविस्वासका कारण पनि कतिपय हार बेहोर्नु परेको नेताहरुले वताएका छन् ।

स्थानीय तह निर्वाचनको समिक्षा गर्न मंगलवार वसेको पार्टी हेडक्वार्टरको बैठकमा वोल्ने अधिकांश नेताहरुले यस्तो वताएका हुन् । बैठकमाा २ नम्बर प्रदेशको स्थानीय चुनाव र केन्द्रसम्मको चुनावको तयारी तथा संगठनात्मक कार्ययोजनाका विषयमा छलफल भएको वताईएको द्ध । सोही विषयमा छलफल गर्न २ साउनमा सचिवालय बैठक बोलाईएको छ ।