रोमानियाकी मोडल लुलिया वन्तुर र नायक सलमान खानको प्रेम खबर मिडियाका लागि मसला बनिरहेको छ । लुलिया र सलमान डेटिङमा रमाउन थालेको केहि समय भयो । तर, केहि महिना अगाडि मात्र लुलिया र सलमानको व्रेकअप भएको खबर सार्वजनिक भएको थियो ।

लुलिया रोमानिया फर्किएपछि उनको सम्बन्ध सलमानसँग टुटेको चर्चा चलेको थियो । तर, पछिल्ला केहि तस्बिरलाई हेर्ने हो भने सलमान र लुलिया फेरि एक भैसकेका छन् ।

सलमान र लुलिया आइतबार बेलुकी माल्दिभ्सबाट बिदा मनाएर मुम्बई फर्किए । विमानस्थलमा यी दुइलाई मिडियाले कैद गरेको छ । सलमानका परिवारका एक सदस्य आयुष शर्माले इन्स्ट्राग्राममा शेयर गरेको तस्बिरमा पनि लुलिया देखिएकी छिन् । उनले, ‘हामी परिवार, सबै एक ठाउँमा’ भनेर लेख्दै तस्बिर शेयर गरेका छन् ।

सलमानका भान्जा अहिलको पहिलो जन्मदिन मनाउन उनको सिंगै परिवार माल्दिभ्स पुगेको थियो । सलमानको परिवारको साथमा लुलिया हुनु पनि यी दुइको व्रेकअप भएको छैन भन्ने पुष्टी गर्ने मुख्य आधार हो ।