मोटरसाईकल दुर्घट्नामा युवकको मृत्यु

Saturday, January 11th, 2020 |

२६ पुष, दोलखा । दोलखा भिमेश्वर नगरपालिका—१ सुस्पाक्षमावतीमा मोटरसाईकल दुर्घट्ना हुँदा एक युवकको मृत्यु भएको छ । मृत्यु हुनेमा भिनपा—१, सुस्पाक्षमावतीका २८ वर्षिय मदन थामी रहेका छन् ।

क्षमावतीबाट कुथली तर्फ आउँदै गरेको ०२—००३ प ७१३३ नम्बरको मोटरसाईकल गएराती करिव १ बजे दुर्घट्ना हुँदा उनको मृत्यु भएको प्रहरीले जनाएको छ । दुर्घट्नाबाट टाउकोमा गम्भिर चोट लागेका उनको उपचारका लागि प्राथमिक स्वास्थ्य केन्द्र चरिकोट ल्याउने क्रममा मृत्यु भएको जिल्ला प्रहरी कार्यालय दोलखाले जानकारी दिएको छ ।

मृतकको शव प्राथमिक स्वास्थ्य केन्द्र चरिकोट स्थित शवगृहमा राखिएको छ । प्रहरीका अनुसार दुर्घट्नाको कारण खुल्न सकेको छैन ।

VIEWS: 1355