३१ साउन, दोलखा । दोलखा कालिञ्चोक गाउँपालिकामा खोलाले बगाएर एक जना युवक बेपत्ता भएका छन् । कालिञ्चोक गाउँपालिका वडा नम्वर २ बावरे स्यार्बाराङ निवासि सुरुमान थामीका ३१ बर्षिय छोरा राजु थामी खोलाले बगाएर बेपत्ता भएका हुन् ।

उनलाई स्थानीय भ्याकुते खोलाले बगाएर बेपत्ता बनाएको स्थानीय पदम थामीले जानकारी दिए । स्थानीयका अनुसार अपरान्ह ३ बजेको समयमा उनलाई खोलाले बगाएको हो ।

माछा मार्न गएका उनलाई खोलाले बगाएर बेपत्ता बनाएको र खोजी गरिरहेपनि फेला पार्न नसकिएको ईलाका प्रहरी कार्यालय सिंगटीले जनाएको छ ।