महासंघको भवनका लागि जिरी नगरले गर्यो दुई लाख सहयोग

Tuesday, June 25th, 2019 |

१० असार, दोलखा । नेपाल पत्रकार महासंघ दोलखा शाखाको भवन निर्माणका लागि जिरी नगरपालिकाले दुई लाख रुपैया सहयोग गरेको छ ।

महासंघको चरिकोटमा निर्माणाधिन भवनको लागि जिरी नगरपालिकाले उक्त सहयोग गरेको हो । उक्त सहयोग रकमको चेक नगरपालिकाको कार्यालयमा आईतवार मेयर टंक जिरेलले महासंघका अध्यक्ष जीवन लामालाई हस्तान्तरण गरे। सहयोग रकम हस्तान्तरण गर्दै नगर प्रमुख जिरेलले महासंघको भवन सूचना मैत्री सुबिधा सम्पन्न भवन बन्न लागेको र उक्त भवन सबैको साझा सम्पति भएकाले सहयोग गरिएको वताए ।

पत्रकार महासंघ दोलखाले चरिकोट स्थित लामा चउरमा २०० बर्ग मिटर क्षेत्रफलमा बनाउन लागेको भवनका लागि सवै क्षेत्रबाट सहयोग जुट्ने क्रम जारी छ ।

VIEWS: 258