९ असार, दोलखा । नेपाल पत्रकार महासंघ दोलखा शाखाको भवन निर्माणका लागि जापानबाट सहयोग प्राप्त भएको छ । कालिञ्चोक गाउँपालिका ६, स्थायी घर भई हाल जापान रहेकी कुसुम थामीले आफ्नो जन्मदिनको अवसर पारेर दश हजार नगद सहयोग गरेकी हुन् ।

जन्मदिनको अवसरमा टेक थामी र कुसुम थामी दम्पतीले पठाएको सहयोग रकम महासंघका उपाध्यक्ष लक्ष्मण थामीले अध्यक्ष जिवन लामालाई आईतवार हस्तान्तरण गरे ।

राज्यको चौथो अंगको संस्थागत विकासमा थोरै भएपनि सहयोग पुगोस् भन्ने उदेश्यले आफुले उक्त रकम सहयोग गरेर सहयोगी कुसुम थामीले बताईन् । नेपाल पत्रकार महासंघको निर्माणाधिन भवनका लागि संस्थागत र व्यक्तिगत रुपमा सहयोग जुट्ने क्रम जारी छ ।