साझाबोलि संवाददाता- दोलखा जिल्लाका प्रहरी प्रमुख प्रहरी नायव उपरिक्षक बासुदेव पाठकलाई जिल्लाका ३० बटा क्रियासिल संस्थाहरुले एकै स्थानमा संयुक्त रुपमा बिदाई गरेका छन् ।
दोलखा जिल्लामा रहेर शान्ति सुरक्षा लगायत हरेक पक्षमा महत्वपूर्ण भूमिका निर्वाह गरेको कारण जिल्ला मा सक्रिय रुपमा रहेका ३० भन्दा बढि संघ संस्थाले जिल्लामा नै यसरी सम्मान र विदाई कार्यक्रम पहिलो रेकर्ड रहेको जिल्लाका अग्रज पत्रकार राजेन्द्र मानन्धर ले बताएका छन् ।
२०७५ जेष्ठ २३ गते दोलखा जिल्लाका प्रहरी प्रमुखको जिम्मेवारी सम्हालेका डिएसपी बासुदेव पाठकले एक वर्षको अवधिमा दोलखामा चोरि नियन्त्रण, महिला हिंसा, होटेल व्यवसाय तथा सहि सुचना प्रवाहमा महत्वपुर्ण भूमिका निर्वाह गर्नभएको प्रेस यूनियन दोलखाका अध्यक्ष दिपशंकर चौंलागाई ले बताएका छन् ।
सम्पति सुद्धिकरण आयोगमा सरुवा भएका बासुदेव पाठक भन्नुहुन्छ, आफूलाई जिल्लाका संघसंस्थाले सम्मान गरिरहँदा आफूलाई थप जिम्मेवार बनाएको छ । आगामी दिनमा पनि अझै जनमुखि कामहरु गर्नको लागि हौसला मिलेको छ ।