१५ फागुन, काठमाडौं । ताप्लेजुङमा भएको हेलिकोप्टर दुर्घटनामा सवार सातै जनाको मृत्यु भएको छ । दुर्घट्नामा संस्कृति, पर्यटन तथा नागरिक उड्डयनमन्त्री रविन्द्र अधिकारीसहित ७ जनाको मृत्यु भएको हो ।

एती एअरलाईन्सको हेलिकोप्टर दुर्घटनामा मन्त्री अधिकारी सहित उड्ड्यन प्राधिकरणका उपमहानिर्देशक विरेन्द्र श्रेष्ठ, उपसचिव युवराज दाहाल, निर्देशक ध्रुव भोछिभोया, पर्यटन व्यवसायी आंगछिरिंग शेर्पा, पाईलट प्रभाकर केसि, सुरक्षाकर्मी अर्जुन घिमिरेको मृत्यु भएको हो ।

सो टोली तेह्रथुमको चुहान डाँडा एयरपोर्ट निरीक्षणपछि पाथीभरा दर्शनमा लागि उडेको थियो । त्यहाँबाट फर्कने क्रममा हेलिकोप्टर दुर्घटना भएको हो । हेलिकोप्टर उडेको केहि मिनेटमै दुर्घट्ना भएको थियो । गृह मन्त्रालयका अनुसार हेलिकोप्टर मौसम खरावीका कारण दुर्घट्ना भएको हो ।