३० कात्तिक, दोलखा । लोकप्रिय सेलो भाका बजारमा ल्याएर चर्चामा आएका गायक अमृत योञ्जनको सवारी दुर्घट्नामा परी मृत्यु भएको छ । दोलखाको विगु गाउँपालिका ३ घिरमुनी घर भएका ४४ बर्षिय योञ्जनको आफ्नै ट्याक्टर दुर्घट्नामा परी मृत्यु भएको हो । ।

शुक्रवार विहान ढुंगा लोड गरी आफ्नो गाउँतर्फ जाँदै गर्दा लु ३ ट ९७२३ नम्बरको ट्याक्टर दुर्घट्ना हुँदा उनको मृत्यु भएको दोलखा प्रहरीले जनाएको छ ।

प्रहरीका अनुसार साँघुरो बाटोमा ट्याक्टर पल्टिन लागेपछि ट्याक्टरबाट झरेर भाग्न लागेका योञ्जनलाई सोही ट्याक्टरले किचेको थियो । योञ्जन नेपाली कांग्रेसका स्थानीय नेता समेतहुन् । योञ्जनको शव पोष्टमार्टमका लागि सदरमुकाम चरिकोट ल्याईएको छ ।