४ असोज, काठमाडौं । सुनसरीको भुताहामा अज्ञात समुहले एक जना शिक्षकको हत्या गरेको छ । भारतबाट मोटरसाईकलमा आएको हतियारधारी समूहले शिक्षक हसिद कुर्सित अन्सारीको गोली हानी हत्या गरेको प्रहरीले जनाएको छ ।

प्रहरीका अनुसार हतियारधारी समूहको गोली लागेर एक जना प्रहरी घाइते भएका छन् । नेपाल(भारत सीमा नाकामा चेकजाँचमा बसेका प्रहरी टोलीलार्इ गोली हानेर उनीहरू भागेको सुनसरीका प्रमुख जिल्ला अधिकारी प्रेमप्रकाश उप्रेतीले साझावोलीलाई जानकारी दिए ।

उनका अनुसार प्रहरीमाथि घुस्की सीमा क्षेत्रमा गोली प्रहार भएको थियो । घाइते एक प्रहरीको बिराटनगरमा उपचार भैरहेको छ । घट्नापछि फरार अपराधीहरुको खोजीका लागि अहिले जिल्ला सम्पूर्ण नाकाहरु शिल गरिएको प्रहरीले जनाएको छ ।