यातायात मजदुरहरुले आज गरेको बन्दको कारण दोलाखाको सदरमुकाम चरिकोट को जनजीवन प्रभावित भएको छ । फाट्टफुट्ट दुई पाङ्ग्रे मोटरसाइकल भन्दा बाहेक का दोलखाबाट छुट्ने अन्य साना तथा ठूला सवारी साधन पूरै नै बन्द भएका छन ।
सवारी साधन चालकहरुले नयाँ मुलूकि ऐन अन्तर्गत सवारी दुर्घटनामा परि यात्रुको ज्यान गएमा चालकले जन्म कैदको सजाय भोग्न पर्ने व्यवस्था भएको कारण सो व्यवस्था तुरुन्त संसोधन गरिनु पर्ने माग राख्दै यातायात बन्द गरिएको चालकहरुको भनाई रहेको छ ।