२३ भदौ, काठमाडौं । गोर्खाबाट काठमाडौं फर्किने क्रममा अल्टिच्युड एयरको हेलिकप्टर धादिङमा दुर्घटना भएको छ । दुर्घट्नाग्रस्त हेलिकोप्टरमा दोलखाली सहित सात जना सवार रहेको खुलेको छ ।

त्रिभुवन अन्तर्राष्ट्रिय विमानस्थल स्रोतका अनुसार हेलिकोप्टरमा पाइलट निश्चल केसीसहित पाँच जना नेपाली र एक जना जापानीज नागरिक सवार थिए ।

हेलिकोप्टरमा रामेछापका ४० वर्षीय दिल्ली बहादुर गुरुङ, दोलखाका ३७ वर्षीय हिरा शेर्पा, गोर्खाको चुमनुब्री गाउँपालिका २ का ल्हो आनी डोल्पा डिकी, गोर्खाको सामागाउँ चुमनुब्री सम्दो १ का छोवाङ नुर्बु, सिन्धुपाल्चोकका २२ वर्षीय सुनिल तामाङ, पाइलट निश्चल केसी र जापानी नागरिक हिरोमी कोमात्सु सवार रहेको स्रोतले बतायो ।

विमानस्थलले उनीहरुको अवस्था कस्तो छ भन्ने खुलिनसकेको जनाएको छ ।