बिप्लव समुहप्रति सरकार आक्रामक, नेतृ उमा भुजेल पनि पक्राउ

Tuesday, August 28th, 2018 |

१२ भदौ, काठमाडौं । नेत्र विक्रम चन्द नेतृत्वको विप्लव समूहप्रति सरकार आक्रामक बनेको छ । प्रवक्ता खड्ग बहादुर विश्वकर्मा पक्राउ परेको केही समय लगत्तै पोलिटब्यूरो सदस्य उमा भुजेल पनि पक्राउ परेकी छन् ।

भुजेललाई काठमाडौंको बालाजुबाट पक्राउ गरिएको प्रहरीले जनाएको छ । स्रोतका अनुसार प्रहरीले उनलाई आगजनी सम्बन्धी मुद्दामा अनुसन्धानका लागि पक्राउ गरेको हो ।

भुजेल सशस्त्र द्वन्द्वका क्रममा गोरखा जेल ब्रेक गरेर चर्चामा आएकी नेतृ हुन् । उनी पहिलो संविधानसभामा समानुपातिक सभाषद समेत बनेकी थिइन् ।

माओवादी विभाजनको क्रममा नेतृ भुजेल मोहन बैद्य समुह हुँदै हाल नेत्रविक्रम चन्द नेतृत्वको नेकपामा सक्रिय छन् ।

VIEWS: 287