चीनबाट के कोसेली लिएर आउँदैछन् प्रचण्ड ?

Monday, April 3rd, 2017 |

काठमाडौं । साताव्यापी चीन भ्रमण सकेर प्रधानमन्त्री पुष्पकमल दाहाल आज स्वदेश फर्कँदै हुनुहुन्छ ।
बोआओ सम्मेलनमा भाग लिन चीन गएका प्रधानमन्त्री दाहाल बुधबार स्वदेश फर्कन लाग्नुभएको हो ।
चीन भ्रमणका क्रममा प्रधानमन्त्री दाहालले चिनियाँ राष्ट्रपति, उपप्रधानमन्त्री लगायतका नेताहरुसँग उच्चस्तरीय भेटवार्ता गर्नुभएको थियो ।
चिनियाँ राष्ट्रपतिसँगको भेटमा प्रधानमन्त्री दाहालले चिनियाँ रेल लुम्बिनीसम्म ल्याउन र तातोपानी नाका सुचारु गर्न आग्रह गर्नुभएकाो थियो ।
सोमबार बेइजिङमा चिनियाँ राष्ट्रपतिको भेटपछि दाहालले मंगलबार तिब्बतका चिनियाँ कम्यिुनिस्ट पार्टी प्रमुख वु यिङजेइसँग भेटवार्ता गर्नुभएको थियो ।
सो क्रममा वुले चीनले तातोपानी नाका खुलाउनका लागि सडक सुधार गर्ने तयारी गरिरहेको जानकारी गराउनुभएको थियो ।
चीन भ्रमणका क्रममा प्रधानमन्त्रीले बोआओ सम्मेलनलाई सम्बोधन गर्नुभउको थियो । नेपाली भ्रमण टोलीले चीन भ्रमण सफल भएको निष्कर्ष निकालेको छ ।
प्रधानमन्त्री दाहालसहित नेपाली उच्चस्तरीय टोली चैत १० गते चीन गएको थियो ।

VIEWS: 73

ताजा खबर