कर्णालीले किसानलाई सात प्रतिशत ब्याज अनुदान दिने

Tuesday, February 25th, 2020 |

फाल्गुन १३ सुर्खेत

भूमि व्यवस्था, कृषि तथा सहकारी मन्त्रालयले कर्णाली प्रदेशले व्यावसायिक कृषि तथा पशुपंक्षी पालन व्यवसायको लागि ब्याज अनुदान कार्यक्रम ल्याएको छ । कार्यविधि बनाएर कृषकहरुलाई एक करोडसम्मको ऋणमा सात प्रतिशत ब्याज अनुदान पाउने गरी मन्त्रालयले व्यवस्था गरेको हो । मन्त्रालयले चालु आर्थिक वर्षमा ब्याज अनुदान कार्यक्रम सञ्चालन गर्नका लागि तीन करोड बजेटको व्यवस्था गरेको छ ।

भूमि, व्यवस्था, कृषि तथा सहकारी मन्त्री विमला केसीले ठूला कृषकहरुका लागि ब्याज अनुदान कार्यक्रम ल्याइएको जानकारी दिइन् । उनले नेपाल राष्ट्र बैंकसँग समन्वय गरेर कर्णालीका सबै बैंकबाट कृषकहरुले ऋण पाउने व्यवस्था गरिने बताइन् । यस कार्यक्रम अन्तर्गत कृषकहरुले बैंकमार्फत पाँच वर्षसम्मका लागि एक करोडसम्मको ऋणमा सात प्रतिशत ब्याज अनुदान पाउनेछन् ।

ब्याज अनुदान पाउनका लागि ऋण लिँदा फर्म तथा उद्योग दर्ता गरेको, विस्तृत परियोजना प्रस्ताव पेस गर्नुपर्न छ । कार्यविधिका अनुसार र सङ्घीय सरकारबाट त्यही व्यवसायको लागि ब्याज अनुदान पाएका कृषकले भने प्रदेश सरकारको ब्याज अनुदान पाउने छैन ।

VIEWS: 57